|
намознинг барча арконларини ўрнига қўйиб) Аллоҳни зикр қилингиз!“.[2:238-239]
Намоз ҳақидаги бу икки оят никоҳ, ийло, талоқ, хулъ, болалар, эмизувчи ёллаш каби ҳукмлар орасида келяпти. Уларнинг мана шундай ҳодисалар орасида келишидан қуйидагиларни тушунса бўлади:
Биринчидан, киши ўз ҳаётида бўлиб ўтадиган ҳар қандай ҳодисалар орасида ҳам намозини унутмасин. Муаммолари билан бўлиб, динининг таянчини ёддан чиқармасин. Намоз ёлғиз Ягона Аллоҳ учун қилинадиган амалдир. У Исломнинг буюк рукнидир.
Иккинчидан, намозга эътибор бериш, унга таяниш Исломда ўта муҳим ишдир. Айниқса, муаммолар, бахтсиз ҳодисалар юз берганда намозга таяниш янада кучайиши лозим. Пайғамбар с.а.в. қачон бошларига иш тушса, намозга таянардилар. Бундан ташқари намоз одамни Парвардигорига яқинлаштиради, тақвосини кучайтиради. Шу билан у аёли билан бўладиган муносабатида ҳам, болалари билан бўладиган муносабатида ҳам Аллоҳдан тақво қилади-да, никоҳ, талоқ, болалар борасидаги ишларда зулмдан, бошқаларга зарар қилишдан ўзини тортади, ҳақиқатдан четга чиқмайди.
Учинчидан, киши ҳар доим ёдда тутсинки, бу буюк Ислом дин билан сиёсатни, ибодат билан муносабатни, шахсий ишлар билан жиҳоду байъатни бир-биридан ажратмайди. Ҳукм билан ҳукм ўртасида, вожиб билан вожиб ўртасида, фарз билан фарз ўртасида ҳеч қандай фарқ йўқ. Никоҳ, талоқ, эмизувчи ёллаш каби ишларга доир ҳукмларни баён қилган ҳам, намоз, жиҳод, закот каби ишларга доир ҳукмларни баён қилган ҳам Ўша Аллоҳдир. Бу ҳукмларни бажаришда ҳам, уларга имон келтиришда ҳам бир-бирларидан ажратиб бўлмайди.
أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاء مَن يَفْعَلُ ذَلِكَ مِنكُمْ إِلاَّ خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللّهُ بِغَافِلٍ عَمَّا تَعْمَلُونَ * أُولَـئِكَ الَّذِينَ اشْتَرَوُاْ الْحَيَاةَ الدُّنْيَا بِالآَخِرَةِ فَلاَ يُخَفَّفُ عَنْهُمُ الْعَذَابُ وَلاَ هُمْ يُنصَرُونَ
– „Ё китобнинг бир қисмига ишониб, бир қисмини инкор қиласизми? Ораларингдан ким бу ишни қилса, унинг жазоси бу дунёда расво бўлиш, қиёмат кунида эса қаттиқ азобга дучор қилинадилар. Аллоҳ қилаётган ишларингдан ғофил эмасдир. Ана ўшалар охират ўрнига дунё ҳаётини сотиб олган кимсалардир. Бас, азоблари енгиллатилмайди ва уларга ёрдам ҳам берилмайди“. [2:85-86]
Аллоҳ Таоло бу оятларда қуйидагиларни баён қилади:
72-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232